საქართველოში არსებული სამაცივრეები სანახევროდ ისევ ცარიელია

საქართველოში არსებული სამაცივრეები სრული დატვირთვით ვერ მუშაობენ და ისინი სანახევროდ ისევ ცარიელია.

საქსტატის მონაცემებით, საქართველოში არსებული სამაცივრე მეურნეობების( საქართველოში 218 სამაცივრე მეურნეობა ფუნქციონირებს) კამერების საშუალო დღიური დატვირთვა 2024 წლის ივნისში – 47.1%-ს(პროცენტულად კამერების ჯამური ტევადობიდან) შეადგენდა, აპრილში შეადგენდა 49%-ს, ხოლო მაისში -56.5%-ს.

აღსანიშნავია, რომ ბოლო ერთი წლის განმავლობაში სამაცივრეების დატვირთვა გაზრდილია, თუმცა, ცვლილება დიდი არ არის. 2023 წლის აპრილში მათი საშუალო დღიური დატვირთვა შეადგენდა 44.3%-ს, მაისში – 51.4%-ს, ხოლო ივნისში – 45.7%-ს.

რა ინახება მაცივრებში

2024 წლის II კვარტლის განმავლობაში სამაცივრეებში შენახული (განთავსებული) იყო 92.8 ათასი ტონა პროდუქცია, მათ შორის:

• ქათმის ხორცი (გაყინულის ჩათვლით) – 42.1%;

• ხილი და ბოსტნეული – 9.2%;

• ხორცი და ხორცპროდუქტები(ნახევარფაბრიკატების ჩათვლით, ქათმის ხორცის გარდა) – 20%;

• თევზეული – 13%;

• რძის პროდუქტები – 10.6%;

• სხვა პროდუქტები – 5.1%

მიმდინარე წლის II კვარტალში სამაცივრე მეურნეობების მიერ გაყიდულია 134.4 მლნ. ლარის
ღირებულების (22.6 ათასი ტონა) პროდუქცია, საიდანაც,  24.4%, ღირებულებით გამოსახულებაში, იმპორტირებული პროდუქცია იყო.

საკუთარი წარმოების პროდუქცია- 24.8%, ხოლო გაყიდვის მიზნით შესყიდულმა (ადგილობრივი) პროდუქცია – 50.8%-ს შეადგენდა.
ამასთან, სამაცივრეების მიერ გაყიდული საკუთარი წარმოების პროდუქციის მთლიანი მოცულობის 45.1% მოდიოდა ქათმის ხორცზე.

იმპორტირებული პროდუქციის მთლიან ღირებულებაში მნიშვნელოვან წილს ასევე ქათმის ხორცი იკავებს (გაყინულის ჩათვლით) (35.4%), პირუტყვის ხორცსა და ხორცპროდუქტებზე (ნახევარფაბრიკატების ჩათვლით) (33%) და თევზეულზე (10.8%) მოდის.