Twitter-ის მფლობელმა ილონ მასკმა დააანონსა, რომ პლატფორმას მალე აუდიო და ვიდეოზარების ფუნქციას დაამატებს.
„ხმოვანი და ვიდეოსაუბარი მალე ხელმისაწვდომი იქნება პლატფორმის ყველა მომხმარებლისთვის და თქვენ შეძლებთ, დაუკავშირდეთ ადამიანებს მსოფლიოს ნებისმიერი ადგილიდან ტელეფონის ნომრის გარეშე“, – დაწერა მასკმა Twitter-ზე.
მასკს არ დაუკონკრეტებია, ზარები სოციალური ქსელის აპლიკაციაში გამოჩნდება თუ პლატფორმაზე. ასევე უცნობია, როდის ამოქმედდება ეს ფუნქცია.
Twitter-ის მილიარდერმა მფლობელმა ასევე განაცხადა, რომ პირადი შეტყობინებები სოციალურ ქსელში 10 მაისიდან გამოჩნდება.
