ილონ მასკი Twitter-ის მომხმარებლებს აფრთხილებს, რომ წაშლის ანგარიშებს, რომლებიც რამდენიმე წლის განმავლობაში აქტიური არ არის. ამის შესახებ კომპანიის აღმასრულებელი დირექტორი საკუთარ გვერდზე წერს.
Twitter-ის მილიარდერი მფლობელი განმარტავს, რომ პასიური ანგარიშები დაარქივდება. ხოლო შემდეგ წაიშლება. თუმცა, მას არ უთქვამს, ექნებათ თუ არა წვდომა Twitter-ის მომხმარებლებს დაარქივებულ ანგარიშებზე.
Twitter-ის წესების მიხედვით, მომხმარებელი 30 დღეში ერთხელ მაინც უნდა შევიდეს საკუთარ ანგარიშში იმისთვის, რომ ის პასიური პოზიციის გამო სამუდამოდ არ წაიშალოს.
მასკი მომხმარებლებს აფრთხილებს, რომ პასიური ანგარიშების წაშლის გამო, შეიძლება, გამომწერების რიცხვი შეუმცირდეთ.
სოციალური ქსელის მფლობელს არ დაუსახელებია, ზუსტად როდის დაიწყება ანგარიშების კონტროლის პროცესი.
