Meta $1,3 მილიარდით დააჯარიმეს Facebook-ის მომხმარებლების მონაცემების ევროკავშირიდან შეერთებულ შტატებში გადაცემისთვის. აღნიშნული ქმედება ევროკავშირის მონაცემთა დაცვის წესების დარღვევაა.
მარკ ცუკერბერგის კომპანიისთვის ჯარიმის დაკისრების გადაწყვეტილება ირლანდიის მონაცემთა დაცვის კომისიამ მიიღო.
ამავე დროს კომპანიას დაევალა, შეწყვიტოს შეგროვებული მონაცემების გადაცემა, რომელიც მოიცავს ფოტოებს, შეტყობინებებს და მონაცემებს, რომლებიც შეგროვებულია რეკლამისთვის.
მონაცემთა კონფიდენციალურობის შესახებ კანონი ევროკავშირმა ხუთი წლის აამოქმედა.
მარეგულირებლებმა განაცხადეს, რომ კომპანიამ დაარღვია ევროკავშირის უმაღლესი სასამართლოს 2020 წლის გადაწყვეტილება, რომლის მიხედვით ატლანტის ოკეანის გავლით გაგზავნილი მონაცემები საკმარისად არ იყო დაცული ამერიკული ჯაშუშური სააგენტოებისგან.
ორშაბათს გამოცხადებული გადაწყვეტილება ეხება მხოლოდ Facebook-ს და არა Instagram-ს და WhatsApp-ს.
Meta გადაწყვეტილების გასაჩივრებას აპირებს და ამბობს, რომ უსამართლოდ დასაჯეს მონაცემთა გაზიარების პრაქტიკისთვის, რომელსაც ათასობით კომპანია იყენებს.
