Mercedes-Benz-მა თავის ერთადერთ დისტრიბუტორს მოლდოვაში, Grand Premium-ს, რუსეთში ავტომობილების სავარაუდო გადაყიდვის გამო ლიცენზია შეუწყვიტა. ამის შესახებ განცხადება გერმანულმა ავტომწარმოებელმა გაავრცელა.
„ამჟამად Grand Premium SRL აღარ არის ჩვენი დისტრიბუტორი მოლდოვის რესპუბლიკაში. ჩვენ ამჟამად განვიხილავთ, როგორ განვახორციელებთ მომავალში სერვისს ბაზარზე“, – აცხადებენ გერმანულ კომპანიაში.
გადაწყვეტილება უკავშირდება ახალი ავტომობილებისა და მისი სათადარიგო ნაწილების შესაძლო ექსპორტს რუსეთში.
Grand Premium იყო Mercedes-Benz-ის ერთადერთი ოფიციალური წარმომადგენელი მოლდოვაში, რომელიც ქვეყანაში 2007 წლის დეკემბრიდან მუშაობდა.
