McDonald’s Big Mac-ის რეცეპტს ცვლის.
როგორც კომპანიამ განმარტა, ფუნთუშებსა და მდნარ ყველს გააცხელებენ, რათა Big Mac-ისა და სხვა ბურგერების ხარისხი გააუმჯობესონ.
კომპანიას რეცეპტში ცვლილებები გაყიდვების გაზრდის მიზნით შეაქვს.
McDonald’s-მა განმარტა, რომ Big Mac-ს ექნება უფრო მეტი სოუსი, ხოლო თეთრ ხახვს ცხელ-ცხელ ღვეზელს დაუმატებენ.
შეცვლილი ბურგერი უკვე გამოჩნდა ავსტრალიაში, კანადასა და ბელგიაში. აგრეთვე, აშშ-ს ზოგიერთ შტატში. 2024 წლიდან Big Mac-ი ქვეყნის მასშტაბით ყველგან შეცვლილი იქნება, – ამბობენ კომპანიაში.
ამ თვის დასაწყისში McDonald’s-მა რესტრუქტურიზაცია დაიწყო და ასობით ამერიკელი თანამშრომელი გაუშვა სამსახურიდან.
მიუხედავად ამისა, რესტორნების ქსელში ვიზიტების რაოდენობა გაზრდილია.
Wall Street-ის ანალიტიკოსები McDonald’s-ს ამ კვარტალში გაყიდვების ზრდას უწინასწარმეტყველებენ.
