მსოფლიო ბრენდებს ჩინელი კლიენტების იმედი აქვთ
საბანკო კრიზისი ძვირად ღირებულ ბრენდების გაყიდვებსაც დაეტყო. Burberry Group და Gucci მოთხოვნის შემცირებაზე მიუთითებენ უმეტესად ახალგაზრდა მომხმარებლებში და განსაკუთრებით აშშ-ში. საბანკო კრიზისი დაეტყო Hennessy-ისა და Louis Vuitton-ის გაყიდვებსაც.
მიუხედავად იმისა, რომ ევროპულ ბაზრებზე ორშაბათის შემდეგ სიტუაცია დასტაბილურდა, ძვირად ღირებულ ბრენდები მაინც საფრთხის ქვეშ არიან.
ინფლაცია და ეკონომიკური ვარდნა მდიდრებზე შეიძლება არ მოქმედებს, მაგრამ მათი შოპინგი მაინც მჭიდრო კავშირშია აქციების ფასის კლებასთან. ფინანსური რეცესიის პირობებში მათ შეიძლება, თავი შეიკავონ ფულის ზედმეტად ხარჯვისგან. ყველაფერი იმაზე იქნება დამოკიდებული, რამდენად სწრაფად მოგვარდება საბანკო სექტორის პრობლემები.
Hermes მაღალ შემოსავლებს აზიაში არსებული მაღაზიების ხარჯზე ინარჩუნებს. ამ ბრენდის გაყიდვების თითქმის 60% გასულ წელს, აზიელ კლიენტებზე მოდიოდა. მათი წყალობით Kelly-ის და Birkin-ის ჩანთებზე მოთხოვნა სტაბილურია.
ძვირად ღირებული ბრენდები იმედს ჩინელ მომხმარებლებზე ამყარებენ. ჩინეთის მიერ შეზღუდვების მოხსნა და ეკონომიკის ზრდა მათ საშუალებას მისცემს, Cartier-ს საათებისა და Dior-ის ჩანთების შესაძენად პარიზსა თუ მილანში ჩავიდნენ.
