იმისათვის, რომ ახალი ელექტრომობილების გამოშვება წაახალისოს, დიდი ბრიტანეთის მთავრობამ Jaguar Land Rover-ს (JLR) 500 მილიონი ფუნტი სტერლინგის სუბსიდიას გამოუყოფს.
სტიმულირების პაკეტის აუცილებლობა განაპირობა ელექტრომობილებისთვის საჭირო ნაწილების მიწოდების შემცირებამ, რაც Brexit-ის შეთანხმებით გამოწვეულიმა შეზღუდვებმა შექმნა.
სამმა მსხვილმა ავტომწარმოებელმა ქვეყნის მთავრობა გააფრთხილა, რომ ნაწილების დეფიციტის გამო ბრიტანეთის საავტომობილო ინდუსტრია პრობლემების წინაშე დადგება.
Tata Motors, JLR-ის მფლობელი კომპანია, მსჯელობს, ააშენოს თუ არა ელექტრო ბატარეების წარმოების ახალი ქარხანა დიდ ბრიტანეთში ან ესპანეთში.
სტიმულირების პაკეტი მოიცავს ფულად სუბსიდიას და ენერგიის ხარჯების შემცირებას, ასევე, JLR კომპლექსის მიმდებარე ელექტროქსელის განახლების ხარჯებს.
მთავრობამ Tata-ს 300 მილიონი ფუნტით დაეხმარება, რათა კომპანიამ სამხრეთ უელსში ფოლადის ქარხნის მოდერნიზება და დეკარბონიზაცია მოახდინოს.
JLR-ს, გაერთიანებული სამეფოს უმსხვილეს ავტომწარმოებელს, წარმოების ელექტრომობილებზე გადასაყვანად ახლა მხოლოდ 1 მილიარდი ფუნტის ბიუჯეტი აქვს, რაც საკმარისი არ არის.
ელექტრომობილებისთვის საჭირო ბატარეების უმეტესობა, რომელიც მანქანის ღირებულების მნიშვნელოვან ნაწილს შეადგენს, კვლავ აზიიდან არის იმპორტირებული.
Stellantis-მა, რომელიც ფლობს Vauxhall-ის, Peugeot-ისა და Citroen-ის ბრენდებს, განაცხადა, რომ თუ Brexit-ზე ხელახალი მოლაპარაკება არ მოხდება, მან შესაძლოა, მისი რამდენიმე ბრიტანული ობიექტი დახუროს.
Ford-მა, რომელიც ელექტრომობილებს გერმანიაში აწარმოებს, ხოლო ნაწილებს – გაერთიანებულ სამეფოში, თქვა, რომ ხარჯები იმ მომხმარებლებს გაეზრდებათ, რომლებსაც სურთ ელექტრომობილებზე გადასვლა.
JLR მოუწოდებს გაერთიანებულ სამეფოს და ევროკავშირს, „დროულად შეთანხმდნენ უკეთეს გადაწყვეტილებაზე, რათა თავიდან აიცილონ ინდუსტრიის პრობლემები”.
