Counterpoint Research-ის თანახმად, Apple-ის ტელეფონების წილი სმარტფონების გლობალურ ბაზარზე, გასულ წელს, ერთი პროცენტული პუნქტით 18%-მდე შემცირდა, რადგან მეოთხე კვარტალში iPhone-ის გაყიდვებმა 5%-ით იკლო.
კვლევითი კომპანიამ დაადასტურა, რომ მთლიანად 2024 წელს Apple-მა გაყიდა 2%-ით ნაკლები სმარტფონი, წინა წელთან შედარებით. ეს იმ დროს, როდესაც მთლიანი ბაზარი გაიზარდა 4%-ით, ზედიზედ ორწლიანი შემცირების შემდეგ. ცნობისთვის, 2023 წელს სმარტფონების გაყიდვები ბოლო ათწლეულის განმავლობაში ყველაზე დაბალი იყო.
მეოთხე კვარტლის ვარდნა Bloomberg-მა ტელეფონებში ხელოვნური ინტელექტის (AI) ფუნქციების ნაკლებობას დაუკავშირა. შეფასებაც ეთანხმება კვლევითი ორგანიზაციაც. მიუხედავად ამისა, Counterpoint ამბობს, რომ Apple-ის პრემიუმ პროდუქტები მაინც ყველაზე დიდი მოთხოვნით სარგებლობს.
Samsung, რომლის გაყიდვები 2024 წელს, წინა წელთან შედარებით, 1%-ით გაიზარდა, კვლავაც ლიდერობს ბაზარზე, ნაწილობრივ ხელოვნური ინტელექტის მქონე Galaxy S24 სმარტფონებზე მაღალი მოთხოვნის ხარჯზე.
მიუხედავად წამყვანი პოზიციების შენარჩუნებისა, Samsung-მა და Apple-მა დაკარგეს გლობალური ბაზრის 1%. Samsung-ის გლობალური ბაზრის წილი შემცირდა 19%-მდე 20%-დან.
გაყიდვების 2%-იანი კლების მიუხედავად, Apple მეორე ადგილზეა.
მესამე ადგილი დაიკავა ჩინურ Xiaomi-მ, რომელმაც 12%-ით გაზარდა გაყიდვები და შესაბამისად, ბაზრის წილიც 13%-დან 14%-მდე.
Couterpoint-ის პროგნოზით, წელს სმარტფონების გაყიდვები 4%-ით მოიმატებს.
