საერთაშორისო სავალუტო ფონდის (IMF) ხელმძღვანელმა კრისტალინა გეორგიევამ 26 მარტს, ჩინეთის ფორუმზე გამოსვლისას განაცხადა, რომ ფინანსური სტაბილურობისთვის რისკები გაზრდილია.
სსფ-ის მმართველი დირექტორის შეფასებით, 2023 რთული წელი იქნება, პანდემიის, უკრაინის ომისა და მონეტარული გამკაცრების გამო, ამიტომ მსოფლიო ეკონომიკა 3%-ზე ნაკლებით გაიზრდება. ხოლო 2024 წელს გლობალური ზრდა 3.8%-ზე დაბალი იქნება.
საერთაშორისო სავალუტო ფონდი გლობალური ეკონომიკის ზრდის ახალ პროგნოზს მომავალ თვეში გამოაქვეყნებს.
გეორგიევას შეფასებით, გეოეკონომიკურმა ფრაგმენტაციამ შეიძლება მსოფლიო დაანაწილოს კონკურენტ ეკონომიკურ ბლოკებად, რაც იმას გამოიწვევს, რომ ყველა ღარიბი და ნაკლებად უსაფრთხოდ იქნება.
გეორგიევამ თქვა, რომ გლობალურ ეკონომიკას ბიძგს ჩინეთის ძლიერი ეკონომიკური ზრდა მისცემს, რაც 2023 წელს 5.2%-ს მიაღწევს.
სსფ-ის შეფასებით, ჩინეთში მშპ-ს ყოველი 1%-ით ზრდა, აზიის სხვა ქვეყნების ეკონომიკების 0,3%-ით ზრდას იწვევს.
