G7 ეწინააღმდეგება რუსეთის ქცევას, რომელიც იყენებს ენერგეტიკულ და სხვა ეკონომიკურ დამოკიდებულებებს იარაღად.
G7 ქვეყნების ლიდერები შეთანხმდნენ ერთობლივ გეგმაზე, რუსული „ენერგეტიკული იარაღის“ წინააღმდეგ. ამის შესახებ წერია G7 ქვეყნების ერთობლივ განცხადებაში.
„ჩვენ ვიმუშავებთ ერთობლივად, რათა შევაჩეროთ რუსეთის მიერ ენერგორესურსების ეკონომიკური დამოკიდებულების იარაღად გამოყენების მცდელობა, რომელიც აიძულებს G7-ის წევრებს და ჩვენს პარტნიორებს, მათ შორის მცირე ეკონომიკებს, დააკმაყოფილონ და შეასრულონ მისი მოთხოვნები“, –ნათქვამია განცხადებაში.
რუსეთი დიდი ხანია მიმართავს ენერგეტიკულ შანტაჟს, ზღუდავს გაზის ან სხვა საქონლის მიწოდებას, პოლიტიკური გავლენის მოსაპოვებლად. ამ მიზნით რუსეთმა შეწყვიტა ბუნებრივი აირის მიწოდება Nord Stream 1 გაზსადენით. ევროპა უკრაინაში ომის დაწყების დღიდან ცდილობს რუსული ენერგიის ჩანაცვლებას.
ბევრმა ევროპულმა ქვეყანამ, კერძოდ ჩეხეთმა, ლიტვამ და მოლდოვამ მოახერხა რუსული გაზის მთლიანად ან ნაწილობრივ ჩანაცვლება.
რუსეთი აშანტაჟებს მსოფლიოს, უკრაინიდან მარცვლეულის ექსპორტის დაბლოკვით, რაც გავლენას ახდენს საკვების გლობალურ ფასებზე.
