Fitch Ratings-მა გლობალური ეკონომიკის ზრდის პერსპექტივა შეამცირა, სავაჭრო დაძაბულობის ესკალაციის ფონზე.
Fitch- ის კვარტალური განახლების მიხედვით, 2025 წელს, გლობალური მშპ-ის ზრდა 0.4 პროცენტული პუნქტით ნაკლები იქნება და 2%-ს ქვემოთ ჩამოვა.
ეს არის ყველაზე ცუდი შედეგი გლობალური ეკონომიკისთვის 2009 წლის შემდეგ, თუ არ ჩავთვლით კორონავირუსის პანდემიის პერიოდს.
აშშ-ის მშპ-ს ზრდის პროგნოზი 0,5 პროცენტული პუნქტით შემცირდა, 1,2%-მდე.
სარეიტინგო სააგენტომ ჩინეთის მშპ-ს ზრდის პროგნოზი ასევე 0,5%-ით შეამცირა და ვარაუდობს, რომ ის 4%-ზე ქვემოთ იქნება.
განახლებული პროგნოზის თანახმად, შეერთებულ შტატებში ზრდა თანდათან შენელდება და მეოთხე კვარტალში წლიურად მხოლოდ 0.4%-ს მიაღწევს.
ჩინეთის ეკონომიკური ზრდა 2026 წელს 4%-ზე დაბალი დარჩება.
Fitch-ის პროგნოზით, ევროზონის ეკონომიკა მიმდინარე წელს 1%-ზე ბევრად ნაკლებად გაიზრდება.
გარდა ამისა, Fitch-ის ანალიტიკოსებმა Brent-ის ნავთობის ფასების პროგნოზი მიმდინარე წლისთვის $5-ით შეამცირეს, ბარელზე $65-მდე.
