აშშ-ის ფედერალური რეზერვმა (FED) რეფინანსირების საპროცენტო განაკვეთი კვლავ უცვლელი დატოვა, პრეზიდენტ დონალდ ტრამპის ზეწოლის მიუხედავად, რომელიც განაკვეთის შემცირებას ითხოვდა.
ფედერალური რეზერვი განაკვეთს უცვლელად, 4.3%-ის ნიშნულზე ზედიზედ მესამედ ტოვებს, რადგან, მისივე შეფასებით, ტრამპის მიერ დაწესებული მაღალი საბაჟო ტარიფები ზრდის ინფლაციის რისკებს. „მომატებულია რისკი, რომ უმუშევრობა და ინფლაცია გაიზრდება. ეკონომიკური პერსპექტივების შესახებ გაურკვევლობა გაიზარდა“, წერია FED-ის განცხადებაში.
როგორც ცნობილია, ტრამპმა გასულ თვეში მსოფლიოს სხვადასხვა ქვეყნებიდან შემოტანილ საქონელზე იმპორტის გადასახადები გაზარდა, ჩინური იმპორტისთვის კი საბაჟო განაკვეთი მინიმუმ 145%-ს შეადგენს.
აშშ-ის ლოჯისტიკურმა კომპანიებმა და პორტებმა მას შემდეგ ვაჭრობის მკვეთრი შემცირების შესახებ განაცხადეს, განსაკუთრებით ჩინეთიდან. ანალიტიკოსები ამბობენ, რომ შეერთებულ შტატებში რეცესიის რისკი მნიშვნელოვნად გაიზარდა.
ტრამპი საპრეზიდენტო არჩევნების დროს ამერიკელებს საპროცენტო განაკვეთების შემცირებას დაჰპირდა, ამიტომ ფედერალურ რეზერვს მოუწოდა, განაკვეთი „წინასწარ“ შეამცირებინა და მის ხელმძღვანელს ჯერომ პაუელს გათავისუფლებით დაემუქრა. პრეზიდენტმა პაუელს უწოდა „ხელმოცარული“ და „ბატონი, რომელიც უკვე დაგვიანებულია“, რომელმაც საპროცენტო განაკვეთების შემცირება გადადო.
პასუხად პაუელმა განაცხადა, რომ ფედერალური რეზერვი „ძალიან რთული გადაწყვეტილების“ წინაშე დგას, მაგრამ ის იხელმძღვანელებს მონაცემებით და არა პოლიტიკით.
აშშ-ის ეკონომიკა წლის პირველ კვარტალში 2022 წლის შემდეგ პირველად შემცირდა. ეს განპირობებული იყო იმით, რომ ბიზნესმა ქვეყანაში მეტი საქონლი შეიტანა, შესყიდვები ტარიფების გაზრდამდე რომ მოესწრო.
გასულ თვეში აშშ-ში დასაქმების მაჩვენებელი მოულოდნელად მაღალი დარჩა, შესაბამისად, უმუშევრობის დონე ისტორიულ მინიმუმთან, 4.2%-თან ახლოს იყო. აშშ-ის საფონდო ბირჟა დიდწილად აღდგა გასულ თვეში დაფიქსირებული მკვეთრი ვარდნის შემდეგ.
