ალკოჰოლის ფრანგულმა მწარმოებელმა Pernod Ricard-მა, რომელმაც რუსეთში პროდუქციის მიწოდება ერთი კვირის წინ განაახლა, დღეს განაცხადა, რომ ექსპორტს კვლავ აჩერებს.
ასევე შეწყდება რუსეთში არაყი Absolut-ის შეტანაც, რადგან შვედური კომპანია Absolut Company, Pernod Ricard-ის კონცერნის ნაწილია.
Absolut Company-მ გასულ კვირას ნაწილობრივ განაახლა პროდუქციის რუსეთის ბაზარზე მიწოდება. ალკოჰოლური სასმელების მწარმოებლის თქმით, ამ გადაწყვეტილებას შვედეთში საზოგადოების უარყოფითი რეაქცია მოჰყვა. კომპანიამ თქვა, რომ მასობრივ კრიტიკას რუსული ბაზრის დატოვებას ამჯობინებს. ამიტომ Absolut-მა მიიღო გადაწყვეტილება, მთლიანად შეწყვიტოს თავისი ბრენდის ექსპორტი რუსეთში.
არყის გარდა, Absolut Company შვედეთში აწარმოებს რომს – Malibu-ს, ლიქიორს – Kahlua-ს და სხვა ალკოჰოლურ სასმელებს.
ხოლო Pernod Ricard აწარმოებს ვისკის – Chivas Regal-ს, Havana Club-ს და ათეულობით სხვა სახეობის სასმელს.
