Tesla-სა და SpaceX-ის დამფუძნებელი, Twitter-ის მფლობელი ილონ მასკი კვლავ პლანეტის უმდიდრესი ადამიანია.
Bloomberg-ის მონაცემებით, მისი ქონება $187,1 მილიარდადაა შეფასებული.
მასკის ქონების ზრდა Tesla-ს აქციების ფასის თითქმის 70%-იანმა გაძვირებამ და ელექტრომობილებზე მოთხოვნის ზრდამ გამოიწვია.
Bloomberg-ის ცნობით, მასკის ქონებამ Louis Vuitton Moët Hennessy-ის ჯგუფის ხელმძღვანელის, ბერნარ არნოს ქონებასაც ($185,3) გადააჭარბა და პლანეტის უმდიდრესი ადამიანის ტიტულიც დაიბრუნა.
