ბრიტანეთის სამაუწყებლო კომპანია BBC-ის ხელმძღვანელმა რიჩარდ შარპმა თანამდებობა დატოვა მას შემდეგ, რაც გაირკვა, რომ მან დაარღვია საჯარო თანამდებობაზე დანიშვნის წესი, რადგან არ გაამჟღავნა თავისი მონაწილეობა ყოფილი პრემიერ-მინისტრის – ბორის ჯონსონისთვის სესხის მიცემაში.
მაშინდელ პრემიერ-მინისტრ ჯონსონს სესხის აღებაში BBC-ის ხელმძღვანელი 2021 წელს დაეხმარა, ერთი კვირით ადრე, სანამ ის ამ თანამდებობაზე დაინიშნებოდა.
შარპმა აღნიშნა, რომ მას პრემიერისთვის სესხის გაცემისთვის ხელი არ შეუწყვია. თუმცა. აღიარა, რომ ამის შესახებ უნდა ეთქვა კომისიისთვის მისი თანამდებობაზე დანიშვნის დროს.
შარპმა ორგანიზება გაუწია ბრიტანეთის კაბინეტის მდივნის – საიმონ ქეისისა და ბიზნესმენ სემ ბლაითის შეხვედრას, რომელმაც ჯონსონს ფინანსური დახმარება შესთავაზა.
შარპმა განაცხადა, რომ ის თანამდებობაზე ივნისამდე დარჩება, სანამ მისი შემცვლელი არ დასახელდება.
საქმე ეხება 800 ათასი ფუნტის მოცულობის კრედიტს, რომელიც ჯონსონმა ისესხა მაშინ, როცა ფინანსური სირთულეები შეექმნა.
