რუსების მსყიდველობითი უნარის შემცირების, ზოგიერთი შეღავათიანი იპოთეკური პროგრამის გაუქმების და სესხების გაძვირების გამო, რუსეთში ბინების გაყიდვები მკვეთრად შემცირდება და ფასები გაიზრდება. ამის შესახებ „იზვესტია“ წერს.
დეველოპერების პროგნოზით, 2025 წელს გაყიდვები დაახლოებით 15%-ით შემცირდება.
ბაზარზე მოთხოვნას ძირითადად სახელმწიფოს მიერ სუბსიდირებული პროგრამები ქმნის, რისთვისაც დამატებითი საბიუჯეტო სახსრები გამოიყო.
დეველოპერები ვარაუდობენ, რომ საცხოვრებელი ბინების ფასები მინიმუმ 5-6%-ს მიაღწევს მშენებლობის ხარჯების ზრდის გამო. ბიზნესის შესანარჩუნებლად, ისინი ბაზარზე ნაკლებ ახალ საცხოვრებელ ფართებს გამოიტანენ.
დეველოპერების ხარჯები მკვეთრად გაზარდა რუსეთის ცენტრალური ბანკის მიერ რეფინანსირების განაკვეთის 21%-მდე აწევამ, რამაც სესხები გააძვირა.