საქსტატმა გამყვანი ტურიზმის 2022 წლის სტატისტიკური მონაცემები გამოაქვეყნა.
გასულ წელს საქართველოს ტერიტორიიდან საზღვარგარეთ საქართველოს რეზიდენტი მოგზაურების 2.2 მილიონი გასვლა დაფიქსირდა, რაც 3.7-ჯერ მეტია წინა წლის ანალოგიურ მაჩვენებელზე.
საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 1.7 მილიონი შეადგინა. მათ შორის განხორციელდა 944.2 ათასი ტურისტული ტიპის ვიზიტი, რაც 99.4%-ით მეტია წინა წლის ანალოგიურ მაჩვენებელზე.
ვიზიტების უმრავლესობა – 49.2% 31-დან 50 წლამდე ასაკობრივ კატეგორიაში შემავალი საქართველოს რეზიდენტი ვიზიტორების მიერ განხორციელდა. ქალების მიერ განხორციელებული ვიზიტების რაოდენობა მთლიანი ვიზიტების 46.5%-ს შეადგენდა.
ვიზიტების უმრავლესობა განხორციელდა თურქეთსა (941.4 ათასი ვიზიტი) და რუსეთის ფედერაციაში (247.4 ათასი ვიზიტი).
განხორციელებული ვიზიტების 95.9% განმეორებითი ხასიათის იყო.
2022 წელს განხორციელებული ვიზიტებისას გაწეული ხარჯები 1.8 მილიარდ ლარს შეადგენს. ვიზიტზე საშუალო ხარჯი 1 078.6 ლარი იყო.
