მოსკოვის საფონდო ბირჟის-MOEX -ის ინდექსი გასულ კვირას 2208-ის ნიშნულამდე დაეცა, რაც რუსეთ-უკრაინის დაწყებიდან თითქმის 40%-იანი ვარდნაა. წინა კვირას ინვესტორები რუსულ აქციებს, ომის წლისთავთან დაკავშირებით გაზრდილი რისკების გამო ყიდდნენ. კვირის განმავლობაში საფონდო ინდექსი 2%-ით დაეცა. ბოლო ორ სავაჭრო სესიაზე ყველაზე მეტად ნავთობისა და გაზის კომპანიები დაზარალდნენ. მიზეზი რუსეთის მთავრობის განცხადება გახდა, რომ 25%-ით ამცირებს ნავთობის ექსპორტს დასავლეთის პორტებიდან. თითქმის 1%-ით შემცირდა წიაღისეულის მომპოვებელი კომპანიების აქციები. სამაგიეროდ, მოგება ნახეს ბანკებმა. მათი აქციების ფასი საშუალოდ 10%-ით გაიზარდა.
