მოქალაქეები პარლამენტთან იკრიბებიან. საკანონმდებლო ორგანოს შენობისკენ მიდიან სტუდენტები. სხვადასხვა უმაღლესი სასწავლელების სტუდენტები ფილარმონიასთან შეიკრიბნენ და მსვლელობით რუსთაველის ქუჩისკენ გაემართნენ.
დღეს პარლამენტი რუსული კანონის მესამე მოსმენით მიღებას აპირებს. პარლამენტის სხდომა 12:00-ზე არის ჩანიშნული.
ცოტა ხნის წინ პოლიციამ დემონსტრანტებს, რომლებიც პარლამენტის უკანა შესასვლელთან იყვნენ, ტერიტორია დაატოვებინა. მოქალაქეები ჭიჭინაძის ქუჩაზე არიან შეკრებილი.
თავისუფლების მოედანზე საპოლიციო ძალების მობილიზებაა. ტერიტორიაზე მიყვანილია სპეცრაზმი და წყლის ჭავლის მანქანები.
