Edison Research-ის საზოგადოებრივი აზრის გამოკითხვის მიხედვით, მოსახლეობა მისთვის ყველაზე მნიშვნელოვან პრობლემად ფასების ზრდას ასახელებს. ასე ფიქრობს გამოკითხული ადამიანების 26%. შემდეგ მნიშვნელოვან პრობლემად მოსახლეობა მიიჩნევს უმუშევრობას (25%), სიღარიბეს (23%), დაბალ ხელფასებს (22%) და ოკუპირებულ ტერიტორიებს (21%).
ამავე კითხვაზე მნიშვნელოვან პრობლემად ემიგრაციას ასახელებს 19%, ნარკოტიკების უკანონო გამოყენებასა და გავრცელებას 17%, ხოლო წენსიებსა და მაღალ ფასებს 16%.
გადაუწყვეტელ ამომრჩეველში მნიშვნელოვანი პრობლემები ასე გადანაწილდა:
საზოგადოებრივი აზრის გამოკითხვა Edison Research-მა ტელეკომპანია ფორმულას დაკვეთით ჩაატარა.
კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი.
შესაძლო ცდომილება არის +/–2.5% საქართველოს მასშტაბით და +/– 2.5 % თბილისისთვის, 95%-იანი ნდობის ინტერვალისთვის. საველე სამუშაოები მიმდინარეობდა 11-24 ივლისის შუალედში.