მსოფლიო ბაზარზე ზეითუნის ზეთი მკვეთრად გაძვირდა. მიზეზი ზეთისხილის ძირითად მწარმოებელ ქვეყნებში ძლიერი გვალვებია.
აგვისტოში ზეითუნის ზეთის საშუალო ფასი, წინა წელთან შედარებით, უკვე 130%-ით გაიზარდა და ფასების კლების ნიშნები არ ჩანს.
ესპანეთში, რომელიც ზეითუნის ზეთის უმსხვილესი მწარმოებელი და ექსპორტიორია, წელს რეკორდულად ცხელი ზაფხული და გვალვა იყო.
შედეგად, ზეითუნის ზეთის წარმოება დაახლოებით 610,000 ტონამდე დაეცა, რაც 50%-იან შემცირებას ნიშნავს.
გვალვიანი სეზონი იყო საბერძნეთსა და იტალიაშიც, რომლებიც ზეითუნის ზეთის სიდიდით მეორე და მესამე მწარმოებლები არიან.
თურქეთმა, რომელიც ზეითუნის ზეთის კიდევ ერთი დიდი მწარმოებელია, მსოფლიო ფასების ზრდის გამო, ექსპორტი 1-ელ ნოემბრამდე შეაჩერა.
