დოლარი გამყარდა, ევრო დაეცა, საფონდო ინდექსები გაიზარდა – რა ხდება ბაზარზე ტრამპის გამარჯვების შემდეგ

აშშ-ის საფონდო ფიუჩერსები გაიზარდა, ევრო დაეცა, მას შემდეგ, რაც დონალდ ტრამპმა საპრეზიდენტო არჩევნებში გამარჯვება მოიპოვა. 

Dow-ის ფიუჩერსებმა 1200 პუნქტით მოიმატა, ხოლო S&P 500-ის ფიუჩერსები დაახლოებით 2,2%-ით, ხოლო Nasdaq 100-ის ფიუჩერსები 1,77%-ით გაიზარდა.

Russell 2000-ის ფიუჩერსებმა 6%-ზე მეტით მოიმატა. 

ამავდროულად, აშშ დოლარის კურსმა, სხვა გლობალურ ვალუტებთან მიმართებაში, მიაღწია უმაღლეს ნიშნულს ივლისის შემდეგ. 

ბიტკოინმა გადააჭარბა $75,000-ს და ყველა დროის პიკზეა, რადგან დონალდ ტრამპმა გამოხატა თავისი მხარდაჭერა კრიპტოვალუტების მიმართ.

აშშ-ის 10-წლიანი სახაზინო ობლიგაციების დაახლოებით 4,43%-მდე გაიზარდა, იმის მოლოდინით, რომ ტრამპის დაპირებული გადასახადების შემცირება და სხვა ხარჯები გაზრდის ფისკალურ დეფიციტს.

ანალიტიკოსები ვარაუდობენ, რომ ტრამპისგან დაპირებული იმიგრაციის შეზღუდვა, გადასახადების შემცირება და იმპორტზე ტარიფების ზრდა, ამოქმედების შემთხვევაში, უფრო მეტ ზეწოლას მოახდენს ინფლაციასა და ობლიგაციების შემოსავალზე.