Galt&Taggart წელს საქართველოში მეორადი ავტომობილების გაიაფებას ელოდება.
ფასების კლება მეორადი ავტომობილების ბაზარზე სავარაუდოდ, 10–დან 20%-ის ფარგლებში იქნება.
საინვესტიციო ბანკის ინფორმაციით, გასულ წელს მეორადი ავტომობილები 23%-ით გაძვირდა, 2019 წელთან შედარებით, ეს ფასების 47%-იანი ზრდა იყო.
რაც შეეხება, ახალ ავტომობილებს, ფასმა 2022 წლის განმავლობაში საშუალოდ 15-20%-ით მოიმატა. ფასების ზრდის ძირითადი მიზეზი გადაზიდვის ტარიფების გაძვირება იყო.
საკონტეინერო გადაზიდვების გლობალური ფასები ბოლო პერიოდში დასტაბილურდა და ტრანსპორტირების ხარჯები თითქმის 2019 წლის დონეს დაუბრუნდა. შესაბამისად, მოსალოდნელია, რომ 2023 წლიდან ფასები შემცირდება და ეს ავტომობილების ადგილობრივ ბაზარზეც აისახება.
