Bank of China-მ რუსული ბანკების კლიენტებს შეუწყვიტა გადარიცხვები ევროკავშირში, შეერთებულ შტატებში, დიდ ბრიტანეთსა და შვეიცარიაში ყველა ძირითად ვალუტაში – იუანში, აშშ დოლარში, ევროში და ჰონგ-კონგის დოლარებში.
გადარიცხვები მხოლოდ Bank of China-ს ჯგუფის ბანკებში იქნება დაშვებული.
შეზღუდვები უკავშირდება მეორადი სანქციების ან სხვა შეზღუდვების რისკს, რომლებიც ჩინური ბანკების საკორესპონდენტო ანგარიშებს შეიძლება დაემუქროს აშშ-ისა და ევროპის ბანკებში.
რუსულ ბანკებში აცხადებენ, რომ აღნიშნული გადაწყვეტილება მიიღო არა ჩინეთმა, არამედ ევროკავშირმა და შეერთებულმა შტატებმა. მათი განმარტებით, ამ გზით დასავლეთი ცდილობს, რუსეთზე განახორციელონ ზეწოლა და იუანის სახით არსებული ანგარიშსწორების ალტერნატიული არხებიც დაბლოკონ.
