შვეიცარიის სასამართლომ შვიდი თვის გამოსაცდელი ვადა მიუსაჯა ოთხ ბანკირს, რომლებიც ვლადიმერ პუტინის ახლო მეგობარს – სერგეი როლდუგინს საბანკო ანგარიშებიდან მილიონობით ფრანკის გადატანაში დაეხმარნენ. ასევე, მათ დაეკისრათ ჯარიმები ასობით ათასი შვეიცარიული ფრანკის ოდენობით.
სასამართლოს მიიჩნია, რომ მათ საკმარისი არ გააკეთეს სახსრების რეალური მფლობელის ვინაობის დასადგენად და წარმოუდგენელი იყო, რომ როლდუგინი ამ ფულის რეალური მფლობელი ყოფილიყო.
როლდუგინმა, ბანკირების დახმარებით, ციურიხის გაზპრომბანკის საბანკო ანგარიშიდან დაახლოებით 30 მილიონი შვეიცარიული ფრანკი ($31,84 მილიონი) საკმარისი შემოწმების გარეშე გაიტანა.
ვიოლონჩელისტი როლდუგინი, რომელსაც შვეიცარიის მთავრობამ „პუტინის საფულე“ უწოდა, პუტინის უფროსი ქალიშვილის – მარიას ნათლიაა.
მუსიკოსი თავადაც აცხადებდა, რომ ის არ იყო ბიზნესმენი და მილიონებსაც არ ფლობდა.
კრემლმა უარყო ბრალდება, რომ როლდუგინის სახსრები რუსეთის პრეზიდენტთან იყო კავშირი და საგამოძიებო პროცესს „პუტინოფობია“ უწოდა.
როლდუგინი 2022 წელს სანქცირებულთა სიაში შეიყვანა დასავლეთის ქვეყნებმა, მათ შორის, შვეიცარიამ.
