კიევში არსებული თავშესაფრების შემოწმება გრძელდება. თავშესაფრების ფართომასშტაბიანი კონტროლი მას შემდეგ დაიწყო, რაც დაიღუპნენ ცხრა წლის გოგონა, მისი დედა და კიდევ ერთი ქალი, რადგან ვერ შეძლეს შესვლა კიევის ერთ-ერთ თავშესაფარში, რომელიც, გავრცელებული ცნობებით, დაკეტილი იყო.
კომისიამ 1078 ობიექტის დათვალიერების შემდეგ გაარკვია, რომ მათი თითქმის ნახევარი არადამაკმაყოფილებელ მდგომარეობაშია ან დაკეტილია.
მათ შორის 359 თავშესაფარი, ანუ მთლიანი რაოდენობის 33% გამოსაყენებლად უვარგისია.
ობოლონსკის ოლქში თავშესაფრების შემთხვევითმა შემოწმებამ აჩვენა, რომ მათი უმრავლესობა დაკეტილი ან გამოუსადეგარი იყო.
უკრაინის სტრატეგიული ინდუსტრიის მინისტრმა ალექსანდრე კამიშინმა განაცხადა, რომ ამოქმედდა ჩეთ-ბოტი Vidkriy_ukrittya, სადაც კიეველებს შეუძლიათ, უახლოესი თავშესაფარში დამოუკიდებლად შეაფასონ სინათლის, წყლის, ადგილების ხელმისაწვდომობა.
კიევის მერმა ვიტალი კლიჩკომ განაცხადა, რომ სარდაფებისა და სხვა შენობების მდგომარეობის გასაუმჯობესებლად ქალაქის ბიუჯეტიდან 1,2 მილიარდი გრივნა გამოიყო.
