შავი ზღვის მარილიანობა მკვეთრად არის შემცირებული კახოვკის ჰიდროელექტროსადგურის აფეთქების გამო.
უკრაინელმა სპეციალისტებმა ზღვის წყლის ნიმუშები ოდესასთან აიღეს, რომელმაც აჩვენა, რომ მისი მარილიანობა 3-ჯერ არის შემცირებული.
ანალიზმა აჩვენა, რომ წყალში რკინის შემცველობა ნორმაზე 9-ჯერ მაღალია. ეკოლოგები ამბობენ, რომ ეს საფრთხეს უქმნის წყალმცენარეებს და გამოიწვევს სხვა „დამანგრეველ პროცესებს”.
შავი ზღვის მარილიანობა მკვეთრად დაცემა მტკნარი წყლის უკონტროლო ჩადინებამ გამოიწვია, რაც კახოვკის ჰესის კაშხლის აფეთქებას მოჰყვა.
გარემოს დამცველები მიუთითებენ ზღვაში მავნე ნივთიერებების მოხვედრის საფრთხეზეც. წყლის ნაკადმა გადარეცხა და შავ ზღვაში ჩაიტანა ტოქსიკური ნივთიერებები კანალიზაციის სისტემებიდან და ნაგავსაყრელებიდან, რაც ქოლერის და სხვა ინფექციური ეპიდემიების გავრცელების საშიშროებას ქმნის.
ეკოლოგები აღნიშნავენ, რომ ჰაერისა და წყლის ტემპერატურის მომატების პარალელურად, შავ ზღვაში კატასტროფული პროცესები დაიწყება, მათ შორის, მტკნარი წყლის გამო ლურჯ-მწვანე წყალმცენარეების აყვავდება.
„ეს ადრეც ხდებოდა ძლიერი წვიმების გამო, მაგრამ ამჯერად პრობლემა გაცილებით სერიოზული იქნება”,- აღნიშნავენ ეკოლოგები.
კახოვკის ჰიდროელექტროსადგურის კაშხალი 6 ივნისს, დილით აფეთქდა.
