რუსი გადამზიდავები, რომლებსაც საქონელი რუსეთში სანქციების გვერდის ავლით ან ეგრეთ წოდებული „პარალელური იმპორტის“ სქემებით გადააქვთ, იძულებულნი არიან, გვერდი აუარონ ტრანზიტს ყაზახეთის ტერიტორიაზე.
„ყაზახეთი ბარიერებს უქმნის ასეთ პროდუქტებს. საზღვარი რეალურად დაკეტილია მომწოდებლებისთვის“, – განუცხადა მედიას ასოციაცია გრუზავტოტრანსის ხელმძღვანელმა ვლადიმერ მატიაგინმა.
მისი თქმით, ამჟამად რუსი გადამზიდავები იძულებულნი არიან, სანქცირებული საქონელი გადაიტანონ ჩინეთის, ირანის, საქართველოს, აზერბაიჯანისა და სომხეთის გავლით.
რუსულმა კომპანიებმა ყაზახეთის ხელისუფლებას სანქცირებული საქონლის იმპორტში დახმარება სთხოვეს, – წერს Reuters.
ცნობისთვის, აპრილის ბოლოს, აშშ-ის ფინანსთა სამინისტრომ გააფრთხილა ყაზახური კომპანიები და ბანკები, რომ რუსეთის დახმარების შემთხვევაში სანქციებს დააკისრებდა.
შეგახსენებთ, რომ მარტის ბოლოს ქვეყნიდან მსოფლიო ბრენდების მასობრივი გასვლის გამო, რუსეთის მთავრობამ ე.წ. „პარალელური იმპორტის“ ლეგალიზება მოახდინა და ამით პროდუქციის მიმწოდებლებს ბრენდის მფლობელის ნებართვის გარეშე მათი რეალიზაციის საშუალება მიეცათ.
