Kutaisi International Airport-ის ავტოსადგომი გაფართოვდა.
მას 500 ავტომობილზე გათვლილი სადგომი დაემატა და ახლა ტერიტორიაზე ჯამში 700 ავტომობილის განთავსება იქნება შესაძლებელი.
საქართველოს აეროპორტების გაერთიანების ინფორმაციით, ჯამში დაიგო 20 000მ2 ასფალტი, მოეწყო საავტომობილო გზები, საფეხმავლო ბილიკები და საპარკინგე სისტემა.
ასევე გაკეთდა ახალი სანიაღვრე კანალიზაცია და მოეწყო დეკორატიული ღობე. თვის ბოლომდე სრულად მოეწყობა ტერიტორიის განათების სისტემა.
ავტოსადგომზე 1 საათით დგომის საფასური მსუბუქი ავტომობილისთვის 2 ლარია; 5-დან 24 საათამდე – 10 ლარი; ავტობუსი/მიკროავტობუსისთვის 0-24 საათამდე – 15 ლარი;
24 საათის შემდეგ, ყოველ ჯერზე, ერთჯერადად გადასახდელი დგომის საფასური 15 ლარს შეადგენს.
ასევე მოქმედებს ჯარიმები ავტოსადგომის ბილეთის დაკარგვის (20 ლარი) და არასწორი დგომისთვის. მსუბუქი ავტომობილებისთვის არასწორი პარკირება 1 საათი – 5 ლარი;
5-დან 24 საათამდე – 20 ლარი. ავტობუსის არასწორად პარკირება – 1 საათი – 6 ლარი, 5-დან 24 საათამდე – 30 ლარი.
დავით აღმაშენებლის სახელობის აეროპორტში წელს იგეგმება ბაქნის და თვითმფრინავების სადგომის რეაბილიტაცია, ასევე დაიწყება ახალი 3, 5 კმ.-იანი ასაფრენ-დასაფრენი ზოლის მშენებლობა.
