ქართუ ჯგუფის პროექტი, რომელიც ლაგუნა ვერესთან მრავალფუნქციური კომპლექსის მშენებლობას ითვალისწინებს, თბილისის მერიაში დაუხარვეზეს.
მერიის მუნიციპალური სერვისების განვითარების სააგენტო ადასტურებს, რომ შპს კოსტავას 69-ის გეგმარებითი დავალება ტრანსპორტისა და ურბანული სააგენტომ განიხილა და საქმის წარმოება შეაჩერა. სააგენტოს ინფორმაციით, ძველი პროექტი გაჩერდება და კომპანია ახალ განაცხადს წარადგენს.
შპს კოსტავას 69 ბიძინა ივანიშვილის ქართუ ფონდის შვილობილი კომპანიაა. ის 2020 წელს დარეგისტრირდა. კომპანია გმირთა მოედანზე, ლაგუნა ვერესთან, ძველი აბრეშუმის ფაბრიკის ტერიტორიაზე მასშტაბური პროექტის განხორციელებას გეგმავს. პროექტი ორი ცათამბჯენის აშენებას ითვალისწინებს. პროექტის მიხედვით, ერთი ცათამბჯენის სიმაღლე მაქსიმუმ 65 სართული იქნება. ტერიტორიაზე კომპანიას მოსამზადებელი სამუშაოები დაწყებული აქვს.
წყარო: BM.ge
