საქართველოში საცხოვრებელი უძრავი ქონების ამონაგები ისტორიულ მაქსიმუმზეა.
უძრავ ქონებაში ფულის დაბანდება სულ უფრო მიმზიდველი ხდება ინვესტორებისთვის დაზოგვის სხვა საშუალებებთან შედარებით, – ასეთ შეფასებას აკეთებენ TBC Capital-ის ანალიტიკოსები უძრავი ქონების ბაზრის კვლევის შემდეგ.
საქართველოში საცხოვრებელი უძრავი ქონების ამონაგები ყველაზე მაღალია რეგიონში.
2023 წელი მოსალოდნელზე უკეთესად დაიწყო უძრავი ქონების ბაზრისთვის. საცხოვრებელი უძრავი ქონების ძირითადი მაჩვენებლები ზრდას განაგრძობს. თებერვალში გასაყიდი ფასის წლიურმა ზრდამ 30% შეადგინა, ხოლო ქირის ფასი 125%-ით არის გაზრდილი.
იზრდება უცხო ქვეყნის მოქალაქეების მიერ შეძენილი ბინების წილი, განსაკუთრებით, თბილისსა და ბათუმში. ზრდის მთავარი ფაქტორებია პანდემიის დამთავრება, მიგრაცია და მაღალი ამონაგები.
TBC Capital-ის პროგნოზით, კორექცია ბაზარზე 2023 წლის ბოლოდან დაიწყება და ძირითადად ქირის ფასს და გაყიდვების რაოდენობას შეეხება.
