უნგრეთმა დაბლოკა უკრაინისთვის ევროპის მშვიდობის ფონდიდან (EPF) მერვე ტრანშის გამოყოფა, რომელიც იარაღისთვის იყო განკუთვნილი.
ფონდიდან $500 მილიონის ტრანშის გამოყოფა 22 მაისისთვის იყო დაგეგმილი, მაგრამ ბუდაპეშტმა მოითხოვა გარანტიები, რომ EPF აკუმულირებულ თანხებს მომავალში მხოლოდ კიევის შეიარაღებას არ მოახმარს.
EPF წევრ ქვეყნებს, როგორც წესი, სამხედრო შესყიდვების ღირებულების 50%-ს უნაზღაურებს, თუმცა, დადგენილი სტანდარტი მათთვის, ვინც უკრაინას სამხედრო აღჭურვილობა გადასცემს, არ არსებობს.
ევროპის მშვიდობის ფონდი 2021 წლის მარტში შეიქმნა და ევროკავშირის წევრი ქვეყნების შენატანებით ფინანსდება. მისი შექმნის მიზანი იყო ევროპის თავდაცვისუნარიანობის გაზრდა, კონფლიქტების თავიდან აცილების მიზნით.
