უკრაინის წიაღისეულის ღირებულება $15 ტრილიონს აღწევს და უმეტესობა იმ რეგიონებშია, რომელიც რუსეთის მიერ ოკუპირებულია ან საბრძოლო მოქმედებები მიმდინარეობს.
Forbes-ის უკრაინული გამოცემამ, ქვეყნის ძირითადი მინერალური რესურსების ღირებულება 2023 წლის თებერვლის მონაცემების საფუძველზე დათვალა. გამოცემის გათვლებით, უკრაინის სასარგებლო წიაღისეულის ღირებულება $14,8 ტრილიონად არის შეფასებული და წიაღისეული მარაგების 70%-ზე მეტი სამ რეგიონშია: დონეცკში, ლუგანსკსა და დნიპროში.
წიაღისეულის მთლიანი ღირებულების 62%-ს ქვანახშირი შეადგენს, 14% რკინის მადანია, სხვა ცალკეული სახეობის წიაღისეულის მარაგები კი 5-5%-ზე ნაკლებია.
წიაღისეულის მთლიანი მოცულობა 111 მილიარდ ტონამდეა შეფასებული.
