უკრაინიდან ევროკავშირში შავი ლითონის ჯართის ექსპორტი ისტორიულ მაქსიმუმზეა.
უკრაინელმა ექსპორტიორებმა 2023 წლის მარტში დაახლოებით 16,4 ათასი ტონა შავი ლითონების ჯართი გაიტანეს ევროკავშირის ქვეყნებში, რაც 8%-ით მეტია თებერვლის მაჩვენებელზე.
უკრაინიდან ჯართის ძირითადი საექსპორტო ქვეყანა პოლონეთია. მცირე მოცულობით მიეწოდება სლოვაკეთს და ლიეტუვას.
უკრაინული მედია წერს, რომ უკრაინის ანტიკორუფციული ბიურო ვოლინის საბაჟოზე EUR.1 წარმოშობის სერტიფიკატის უკანონო სქემის საქმეს იძიებს. აღმოჩნდა, რომ საბაჟოს თანამშრომლები ექსპორტიორებზე, დაახლოებით $200-ის ქრთამის სანაცვლოდ, გასცემენ სერტიფიკატს, რომელიც ევროკავშირის ქვეყნებში ჯართის ექსპორტის უფლებას იძლევა.
2023 წლის თებერვალში შავი ლითონის ჯართის ექსპორტმა უკრაინიდან ევროკავშირის ქვეყნებში 15 ათას ტონას გადააჭარბა. გაზრდილი ექსპორტის პარალელურად, ჯართის შესყიდვების შემცირებამ უკრაინის მეტალურგიული მრეწველობა კატასტროფის ზღვრამდე მიიყვანა. ნედლეულის დეფიციტმა პირველ კვარტალში 100 ათასი ტონა შეადგინა. უკრმეტალურგპრომის პროგნოზით, ეს მაჩვენებელი მეორე კვარტალში გაიზრდება.
