მოლდოვამ გადაწყვიტა, შეუერთდეს იმ ევროპულ ქვეყნებს, რომლებმაც უკრაინიდან ხორბლის, სიმინდის, რაფსის და მზესუმზირას იმპორტი აკრძალეს.
მოლდოვას სოფლის მეურნეობის მინისტრმა ვლადიმერ ბოლეამ განაცხადა, რომ სოფლის მეურნეობის ამ პროდუქტების უკრაინიდან შეტანა შეჩერდება 5 ივნისამდე, როგორც ეს ევროკომისიამ დააწესა.
მოლდოვა განმარტავს, რომ გადაწყვეტილების მიზეზი საწყობებში დიდი რაოდენობით ადგილობრივი მარცვლეულის დაგროვება გახდა. მოლდოვადან მარცვლეულის ექსპორტი შემცირდა, ლოგისტიკური ხარჯები გაიზარდა, ხოლო მსოფლიო ბაზარზე ფასები დაეცა. შესაბამისად, ადგილობრივ ფერმერებს უკრაინული პროდუქციისთვის, რომელიც გადასახადებისგან გათავისუფლებულია, კონკურენციის გაწევა უჭირთ.
„ჩვენმა ფერმერებმა უნდა გაყიდონ მარცვლეულის საკუთარი მარაგი და მოემზადონ ახალი სასოფლო-სამეურნეო წლისთვის“, – განაცხადა სოფლის მეურნეობის მინისტრმა.
