უკრაინამ 2023 წლის თებერვალში 6,9 მილიონი ტონა სოფლის მეურნეობის პროდუქტის ექსპორტი განახორციელა. ეს 14%-ით მეტია იანვრის მაჩვენებელზე. ბოლო ექვსი თვეა ექსპორტის მოცულობა საშუალო მაჩვენებელს დაბრუნდა.
პროდუქციის 49% შავი ზღვის მარცვლეულის ინიციატივის ფარგლებში, დანარჩენი კი ალტერნატიული მარშრუტებით.
თებერვალში უკრაინამ ექსპორტზე გაიტანა 5,2 მილიონი ტონა მარცვლეული (მათ შორის 64% სიმინდი, 31% ხორბალი და 4% ქერი), რაც 23%-ით მეტია 2023 წლის იანვართან შედარებით. ასევე ექსპორტზე გავიდა 557,100 ტონა ზეთის შემცველი კულტურები. ამ მოცულობის 59% სოია იყო, მზესუმზირა -30% და რაფსის თესლის 11%, რაც იანვართან შედარებით 30%-ით ნაკლებია.
2023 წლის თებერვალში უკრაინამ მცენარეული ზეთების ექსპორტი 4%-ით გაზარდა, 435 700 ტონამდე (მზესუმზირას ზეთის წილი – 93%, სოიას ზეთი – 6%).
ცნობისთვის, 2023 წლის იანვარში უკრაინამ 6,1 მილიონი ტონა სოფლის მეურნეობის პროდუქცია გაიტანა, რაც 13%-ით ნაკლებია 2022 წლის დეკემბრის მაჩვენებელზე.
