აშშ-ის იუსტიციის სამინისტრომ გამოაქვეყნა 49-გვერდიანი საბრალდებო დასკვნა, რომელიც დონალდ ტრამპის მიერ საიდუმლო დოკუმენტების უკანონო ფლობას შეეხება.
შეერთებული შტატების 45-ე პრეზიდენტს ბრალი ედება საიდუმლო დოკუმენტების უკანონოდ შენახვა საკუთარ სახლში, რომელიც აშშ-ის სამხედრო და ბირთვული პროგრამებს შესახებ ინფორმაციას შეიცავს.
ბრალდების მიხედვით, ტრამპი, სხვა საბუთებთან ერთად, დოკუმენტებს ფლორიდაში, თავის რეზიდენციაში ინახავდა. მის ტუალეტში საბუთებით სავსე ყუთებიც იპოვეს.
საერთო ჯამში, ტრამპს 37 ბრალდება წაუყენეს, მათ შორის 31 საიდუმლო დოკუმენტების განზრახ დამალვას შეეხება. მას ასევე ბრალდება მართლმსაჯულების შეფერხება და ფიცის ქვეშ მოტყუება. კიდევ ექვსი ბრალდება წაუყენეს ტრამპის ერთ-ერთ თანაშემწეს – უოლტ ნაუტას.
თავის პოსტში ტრამპმა თქვა, რომ მომავალ სამშაბათს, მაიამის ფედერალურ სასამართლოში დაიბარეს.
ტრამპი გახდა აშშ-ის პირველი ყოფილი პრეზიდენტი, რომელსაც ფედერალური ბრალდება წაუყენეს. ეს ხდება იმ დროს, როცა ის იბრძვის პრეზიდენტობისთვის რესპუბლიკური პარტიიდან.
ამავდროულად, თუნდაც ტრამპი დამნაშავედ ცნონ და დააპატიმრონ, ეს მას აშშ-ის პრეზიდენტობის კანდიდატობის უფლებას არ წაართმევს.
ეს უკვე მეორე სისხლის სამართლის საქმეა ტრამპის წინააღმდეგ. აპრილში მას ბრალი ბიზნესჩანაწერების გაყალბებისთვის წაუყენეს. ამ საქმეზე მისი სასამართლო პროცესი 2024 წლის მარტში უნდა დაიწყოს.
ტრამპმა არაერთხელ უარყო დანაშაული ამ საქმეში. მაგრამ მან ღიად აღიარა დოკუმენტების აღება და შენახვა, რაც საფუძველს აცლის მისი ადვოკატების განცხადებას იმის შესახებ, რომ მან ეს დოკუმენტები უნებლიედ აიღო.
„არასდროს მეგონა, რომ ასეთი რამ შეერთებული შტატების ყოფილ პრეზიდენტს შეიძლებოდა დამართოდა“, – წერს ტრამპი.
