აშშ-ის ყოფილი პრეზიდენტი დონალდ ტრამპი მანჰეტენის ფედერალურმა სასამართლომ ჟურნალისტისა და მწერლის – ჟან კეროლის სექსუალურ შევიწროებაში დამნაშავედ ცნო. ამის შესახებ CNN იტყობინება.
ნაფიცი მსაჯულები არ დაეთანხმნენ, რომ ტრამპმა კეროლი გააუპატიურა, მაგრამ გადაწყვიტა, რომ მის წინააღმდეგ „სექსუალური ქმედებები“ ჩაიდინა.
ტრამპმა ჟურნალისტს $2 მილიონი უნდა გადაუხადოს არამატერიალური ზიანის მიყენებისთვის, ასევე, $3 მილიონს ცილისწამებისთვის გადაუხდის.
„მე წარმოდგენა არ მაქვს, ვინ არის ეს ქალი. ეს განაჩენი არის სირცხვილი და ყველა დროის უდიდესი ჯადოქრების ნადირობის გაგრძელება“, – განაცხადა ტრამპმა.
კეროლმა 2019 წლის ზაფხულში მომხდარ ამბავზე თავის წიგნში დაწერა. ჟურნალისტი წერს, რომ იგი ტრამპს ნიუ-იორკის ბერგდორფ გუდმენის უნივერმაღში 1996 წელს შეხვდა. მათ შორის მეგობრული საუბარი შედგა, რის შემდეგაც ტრამპმა მიიწვია საცვლების გასასინჯად, რომლებსაც სხვა ქალისთვის საჩუქრად არჩევდა. კეროლის თქმით, ტრამპი მასთან ერთად შევიდა დარბაზში, სადაც გააუპატიურა.
ტრამპმა უარყო ყველა ბრალდება და თქვა, რომ მწერალი მას ცილს სწამებდა. ამის შემდეგ კეროლმა მას სასამართლოში უჩივლა.
