საქსტატის მონაცემების მიხედვით, I კვარტალში საქართველოში საშუალო თვიური ხელფასი, გასული წლის შესაბამის პერიოდთან შედარებით, 18.7%-ით – 270.1 ლარით გაიზარდა და 1 716.6 ლარი შეადგინა.
თუმცა, ხელფასების კლებაა წინა კვარტალთან შედარებით. ოფიციალური მონაცემებით, 2022 წლის მე-4 კვარტალთან შედარებით, საშუალო ხელფასი 57,1 ლარით არის შემცირებული.
დაქირავებით დასაქმებულთა საშუალო თვიური ხელფასის ცვლილება 2018-2023 წლებში, კვარტლების მიხედვით:
საქმიანობის სახეების მიხედვით, ხელფასის ყველაზე მაღალი ზრდა კომუნიკაციების სექტორში ფიქსირდება.
შედარებით მაღალი ხელფასი დაფიქსირდა შემდეგ დარგებში:
• საფინანსო და სადაზღვევო საქმიანობები – 3 761.1 ლარი (წინა წლის შესაბამის პერიოდთან შედარებით გაიზარდა 23.8 %-ით)
• ინფორმაცია და კომუნიკაცია – 3 631.3 ლარი (გაიზარდა 55.2 %-ით)
• პროფესიული, სამეცნიერო და ტექნიკური საქმიანობები – 2 386.8 ლარი (გაიზარდა 21.6 %-ით)
• მშენებლობა – 2 145.5 ლარი (გაიზარდა 14.7 %-ით)
2023 წლის I კვარტალში ქალების საშუალო ხელფასი 1 375.7 ლარით, ხოლო კაცების 2 053.4 ლარით განისაზღვრა. ხელფასების წლიურმა ზრდამ ქალებში 190.9 ლარი (16.1%) შეადგინა, ხოლო კაცებში – 358.1 ლარი (21.1%).
საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.
დაქირავებით დასაქმებულთა საშუალო თვიური ხელფასი სქესობრივ ჭრილში, 2018-2023 წლებში, კვარტლების მიხედვით:
საშუალო ხელფასის სიდიდის მიხედვით რეგიონებში ლიდერობს ქ. თბილისი და მცხეთა-მთიანეთის რეგიონი.
