საარსებო შემწეობის ოდენობა ყოველწლიურად საშუალოდ 20%-ით იზრდება, თუმცა, ის მაინც ბევრად ნაკლებია საარსებო მინიმუმზე, ანუ იმ მინიმალურ თანხაზე, რომელიც საქართველოში საშუალო ოჯახს აუცილებელი მოთხოვნების უზრუნველყოფისთვის სჭირდება.
2022 წლისთვის საშუალო თვიური საარსებო შემწეობა ერთ ოჯახზე 256 ლარამდე გაიზარდა, ხოლო საშუალო ოჯახის საარსებო მინიმუმი – 292 ლარიდან 314 ლარამდე. ამ მაჩვენებლების შედარება ცხადყოფს, რომ საშუალო თვიური საარსებო მინიმუმი, საშუალოდ, 51%-ით აღემატება საშუალო თვიურ საარსებო შემწეობას. ოფიციალური სტატისტიკური მონაცემების ანალიზი PMCG-ის მკვლევარებმა გააკეთეს.
სოციალურ შემწეობაზე სახელმწიფო ბიუჯეტიდან დახარჯული თანხა ყოველწლიურად საშუალოდ 20%-ით იზრდება. 2022 წელს ბიუჯეტიდან საარსებო შემწეობის სახით, 609 მილიონ ლარამდე დაიხარჯა. ხოლო საარსებო შემწეობის მიმღები მოსახლეობის წილი, 2018 წლიდან 2022 წლამდე, 12%-დან 18%-მდე გაიზარდა.
