საქსტატის ინფორმაციით, 2022 წლის ბოლოს საარსებო შემწეობას საქართველოში იღებდა 647.7 ათასი პირი, რაც 10.3%-ით მეტია წინა წლის მაჩვენებელზე. 2021 წელს შემწეობის მიმღებთა რიცხვი 587.5 ათასს შეადგენდა.
2022 წლის მდგომარეობით, საარსებო შემწეობის მიმღებთა რაოდენობა მთლიანი მოსახლეობის 17.4%-ს შეადგენს. 2021 წელს საარსებო შემწეობას მოსახლეობის 15.8% იღებდა,
2009 წლის შემდეგ საარსებო შემწეობის მიმღები მოსახლეობის ყველაზე დაბალი რაოდენობა – 376.7 ათასი 2015 წელს დაფიქსირდა. 2022 წელს, 2015 წელთან შედარებით, საარსებო შემწეობის მიმღები მოსახლეობის რაოდენობა 72%-ით არის გაზრდილი.
საქართველოში საარსებო შემწეობა გაიცემა სოციალურად დაუცველ ოჯახებზე, რომელთა სარეიტინგო ქულა 120 001-ზე ნაკლებია. სარეიტინგო ქულას სოციალური მომსახურების სააგენტო ოჯახის შემოსავლისა და ქონების შეფასების საფუძველზე ადგენს. კერძოდ, რაც უფრო დაბალია ქულა, მით უფრო ღარიბია ოჯახი.
