საქართველოში დემოგრაფიული ვითარება მძიმდება. მოსახლეობის ბუნებრივი მატების მაჩვენებელი კიდევ გაუარესდა.
საქსტატის მონაცემებით, საქართველოში 2024 წლის იანვარ-ივნისში 18 633 ბავშვი დაიბადა. ამავე პერიოდში ქვეყანაში გარდაიცვალა 22 265 ადამიანი.
2024 წლის პირველ ნახევარში ბუნებრივი მატება (სხვაობა ცოცხლად დაბადებულთა და
გარდაცვლილთა რიცხოვნობას შორის) -3 632 კაცით განისაზღვრა. ბუნებრივი მატების დადებითი
მაჩვენებელი დაფიქსირდა თბილისსა (478) და აჭარის ავტონომიურ რესპუბლიკაში (621).
2023 წელს აღნიშნული მაჩვენებლები ასე გამოიყურებოდა: ცოცხლად დაბადებული ბავშვების რიცხვი 19 431 იყო, ხოლო გარდაცვლილთა რაოდენობა 21 944 შეადგენდა. ბუნებრივი მატება – 2 513 იყო.
მოსახლეობის ბუნებრივი მატების კოეფიციენტი 2023 წელს მინიმუმამდე – 10,8-მდე დაეცა. აღნიშნული მაჩვენებელი 2014 წლის შემდეგ მცირდება(16,3-ს შეადგინა).
