2023 წლის თებერვლის მდგომარეობით, საქართველოს საგარეო ვალი $8.26 მილიარდს შეადგენს, რაც წინა წლის ანალოგიურ პერიოდთან შედარებით $136 მილიონით მეტია.
ხოლო ლარში გამოსახული საგარეო ვალი შემცირებას აჩვენებს. მიზეზი დოლართან და ევროსთან ლარის კურსის გამყარებაა. შესაბამისად, ეროვნულ ვალუტაში გამოსახული ვალის მოცულობა 21.7 მილიარდი ლარს აჭარბებს, რაც წლიურად 3.9 მილიარდით არის შემცირებული.
ფინანსთა სამინისტროს მიერ გამოქვეყნებული მონაცემების მიხედვით, საგარეო ვალში პირველ ადგილზე $2.064 მილიარდით აზიის განვითარების ბანკის(ADB) კრედიტია, რომლებიც საქართველომ ინფრასტრუქტურული პროექტებისთვის ისესხა. სიდიდით მეორე კრედიტორია მსოფლიო ბანკის ჯგუფი, რომლისგან აღებული $1.97 მილიარდის სესხით ასევე, ძირითადად ინფრასტრუქტურული პროექტები ფინანსდება. მესამე ადგილზეა ევროპის საინვესტიციო ბანკი(EIB), საიდანაც ქვეყანას $ 909 მილიონი აქვს ნასესხები;
