სადავო ბრილიანტი
სამხრეთ აფრიკა ითხოვს, ბრიტანეთმა დაუბრუნოს სამეფო სკიპტრაში ჩასმული ბრილიანტი, რომელიც ჩარლზ III-ს კორონაციის დღეს ეჭირა.
აფრიკის ვარსკვლავი მსოფლიოში ყველაზე დიდი ბრილიანტია.
სამხრეთ აფრიკელები ითხოვენ, ბრილიანტი დააბრუნონ იქ, სადაც 100 წელზე მეტი ხნის წინ აღმოაჩინეს.
ბრილიანტი ასევე ცნობილია სახელით Cullinan I. ის 530-კარატიანია, რომელიც მოჭრილია 3 100-კარატიანი Cullinan ბრილიანტისგან – მსოფლიოში ყველაზე დიდი ალმასის ქვისგან, რომელიც ქალაქ პრეტორიასთან ახლოს მოიპოვეს.
„ალმასი სამხრეთ აფრიკაში უნდა დაბრუნდეს. ის არის ჩვენი სიამაყის, ჩვენი მემკვიდრეობისა და ჩვენი კულტურის ნიშანი“, – განუცხადა Reuters-ს სამხრეთ აფრიკელმა ადვოკატმა და აქტივისტმა მოთუსი კამანგამ.
კვერთხი ერთ-ერთია იმ 100 ნივთიდან, რომლებიც ცნობილია, როგორც გვირგვინის სამკაულები და ბრიტანეთის მონარქის კორონაციის ცერემონიის ძირითად ნაწილს წარმოადგენს.
