ინგლისი სამედიცინო კანაფის მეორე უდიდესი ბაზარი ხდება ევროპაში. ვარაუდობენ, რომ ინგლისელი პაციენტების რიცხვი, რომლებიც კანაფს სამედიცინო დანიშნულებით იყენებენ, 2023 წელს 15 ათასით გაიზრდება.
ევროპაში სამედიცინო კანაფის ბაზარი მზარდია. ამ მხრივ, ლიდერობენ გერმანია და ინგლისი.
ინფორმაციული ტექნოლოგიების კომპანია Prohibition Partners-ის მიერ ჩატარებულმა კვლევამ აჩვენა, რომ ინგლისი გახდება მეორე უმსხვილესი ევროპული სამედიცინო კანაფის ბაზარი, რადგან პაციენტების რაოდენობა და მოთხოვნა სწრაფად მატულობს.
Prohibition Partners-ის პროგნოზით, 2023 წლის ბოლოსთვის ინგლისში პაციენტების რაოდენობა, რომლებიც კანაფის სამედიცინო მიზნით მოიხმარენ, 47 ათასს გადააჭარბებს. მოთხოვნა იზრდება ევროპის მასშტაბით და ნავარაუდევია, რომ გაყიდვების მოცულობა 2023 წლის ბოლოსთვის €602 მილიონს მიაღწევს.
დიდი ბრიტანეთის კანაფის წამყვანმა კლინიკა Mamedica-მ გამოკითხა მოსახლეობა, ალტერნატიულ მედიცინის მიმართ მათი დამოკიდებულების შესასწავლად. მოსახლეობის 51% ამბობს, რომ მათ ხუთ წელზე მეტი ხნის განმავლობაში აწუხებდათ ქრონიკული დაავადებები და ვერ იპოვეს ეფექტური საშუალება. ამიტომ მიმართავს ამდენი ბრიტანელი სამედიცინო კანაფს, – განმარტავენ ექსპერტები.
კანაფის სამედიცინო მიზნით გამოყენება გაერთიანებულ სამეფოში 2018 წლის ნოემბრიდან ლეგალურია და დადასტურდა მისი დადებითი ეფექტი ჯანმრთელობის მთელი რიგი პრობლემების სამკურნალოდ.
კანაფზე დამზადებული სამკურნალო პროდუქტები ხელს უწყობს ძილის მოწესრიგებას, აუმჯობესებს განწყობას და იწვევს ნეიროპათიური ტკივილების შემცირებას.
