სავაჭრო ცენტრ ისთ ფოინთში ევაკუაცია გამოცხადდა. შენობა ხალხისგან დაცალეს და სავაჭრო ცენტრი დაიკეტა.
ევაკუაციის მიზეზი გახდა ისთ ფოინთის საინფორმაციო ცენტრში შესული შეტყობინება იმის შესახებ, რომ სავაჭრო ცენტრი დანაღმულია.
ადმინისტრაციის ინფორმაციით, შეტყობინების დაფიქსირებისთანავე, უსაფრთხოების ინსტრუქციის თანხმად, 112-ს მიმართეს. უსაფრთხოების პროტოკოლის შესაბამისად, განხორციელდა ევაკუაცია და მთელი ღამის განმავლობაში ჩატარდება სამუშაოები.
სავაჭრო ცენტრი მუშაობას ხვალ, 10:00 საათიდან განაგრძობს.
დღეს ანონიმური ზარის საფუძველზე ევაკუაცია უკვე რამდენიმე ობიექტში განხორციელდა. მათ შორის თბილისის საქალაქო სასამართლოში და ბრიტანულ -ქართულ აკადემიაში.
