ნავთობის ფასზე მოქმედი ფაქტორები
ნავთობის ფასი გუშინდელი ვაჭრობის დროს დაეცა, რაც საბანკო სექტორში შექმნილმა საფრთხემ და შესაძლო რეცესიამ გამოიწვია.
Brent-ის ნავთობის ფიუჩერსები 2,3%-ით შემცირდა და ბარელზე $72,97 შეადგინა. აშშ-ის West Texas Intermediate ნავთობის ფასი 2,4%-ით დაეცა და $66,74 ღირს.
Brent-ის ფასი კვირის განმავლობაში თითქმის 12%-ით არის შემცირებული, რაც დეკემბრის შემდეგ მისი ყველაზე დიდი ყოველკვირეული ვარდნაა. WTI ფიუჩერსი კი 13%-ით დაეცა – ასეთი ვარდნა შარშანდელი აპრილის შემდეგ არ დაფიქსირებულა.
ანალიტიკოსები იმედოვნებენ, რომ გლობალური მიწოდების შეზღუდვა ნავთობის ფასებს უახლოეს მომავალში ისევ ზემოთ აიწევს.
WTI-ის სიიაფის გამო აშშ-ს მთავრობამ შეიძლება, ნავთობის სტრატეგიული რეზერვის შევსება დაიწყოს, რაც მოთხოვნას გაზრდის. ამიტომ ინვესტორები ახლა ელიან აშშ-ის ნავთობის მარაგის ოფიციალურ მონაცემებს, რომელიც ოთხშაბათს გამოქვეყნდება. ამერიკის ნავთობის ინსტიტუტმა სამშაბათს განაცხადა, რომ ნედლი ნავთობის მარაგებს 1,2 მილიონი ბარელით გაზრდის.
ნავთობის ფასს დამატებით ბიძგს მისცემს ჩინეთის მხრიდან გაზრდილი მოთხოვნაც.
ცნობისთვის, OPEC+-ის წევრები ოქტომბერში შეთანხმდნენ, 2023 წლის ბოლომდე დღიური მოპოვება ორი მილიონი ბარელით შეამცირონ.
OPEC+-ის წევრები მორიგ პანელზე 3 აპრილს უნდა შეიკრიბონ.
OPEC-მა გაზარდა ჩინეთის მოთხოვნის პროგნოზი 2023 წლისთვის.
