2022 წელს საქართველოში მოქმედმა სადაზღვევო კომპანიებმა, ჯამში, 909,6 მილიონი ლარის სადაზღვევო პრემია მოიზიდეს, რაც თითქმის 23%-ით მეტია გასულ წელს მოზიდული პრემიის მოცულობაზე (741 208 მილიარდი). მონაცემებს დაზღვევის ზედამხედველობის სახელმწიფო სამსახური აქვეყნებს.
პრემიის ზრდის მიუხედავად, მათ წმინდა მოგება შეუმცდირდათ. 2022 წელს სადაზღვევო კომპანიებმა წმინდა მოგების სახით 39,2 მილიონი ლარი მიიღეს, რაც 700 ათასი ლარით ნაკლებია წინა წლის მოგებაზე. 2021 წელს კომპანიების საერთო წმინდა მოგება 39,9 მილიონი ლარი იყო.
სადაზღვევო კომპანიების აქტივების ჯამური მოცულობა შეადგენს 1,105,5 მილიარდ ლარს, ხოლო კაპიტალი 343,2 მილიონ ლარია. მოზიდული პრემიის მიხედვით ბაზრის ლიდერი ჯი პი აი ჰოლდინგია.
სადაზღვევო კომპანიების პირველი ხუთეული მოზიდული პრემიის ოდენობით:
ჯი პი აი ჰოლდინგი – 165,225 მილიონი ლარი (ზრდა +22%)
თიბისი დაზღვევა – 152,172 მილიონი ლარი (ზრდა +33,9)
ალდაგი – 137, 254 მილიონი ლარი(+13%)
არდი – 84,720 მილიონი ლარი (+43,6)
იმედი L – 82,054 მილიონი ლარი (+13,4%)
