აშშ-ის საფონდო ინდექსი S&P 500 2007 წლის დონეზე ქვემოთ ჩამოვიდა.
First Republic Bank-ის გაკოტრების შემდეგ გაჩნდა შიში სხვა ბანკების გადახდისუნარიანობასთან დაკავშირებით.
ინვესტორები პანიკაში არიან. მათ ფინანსური კომპანიების აქციების გაყიდვა დაიწყეს, რაც S&P 500-ზე – აშშ-ის ერთ-ერთ მთავარ საფონდო ინდექსზეც შესაბამისად აისახა.
კრიზისის ნიშნები საფონდო ბირჟაზე
საფონდო ინდექსის ვარდნამ შეიძლება, დამატებითი ზეწოლა მოახდინოს ბანკებზე. კერძოდ, ისინი ეცდებიან შეინარჩუნონ კაპიტალი და შეამცირონ დაკრედიტება, რაც შეანელებს ეკონომიკას, რომელიც ისედაც რეცესიის საფრთხის წინაშე დგას.
შეგახსენებთ, რომ First Republic Bank-ს პრობლემები ფედერალური რეზერვის (Fed) მიერ საპროცენტო განაკვეთების გაზრდის შემდეგ შეექმნა. მეანაბრეებმა დაიწყეს ბანკიდან დეპოზიტების გატანა. მარტში მის გადარჩენას ფინანსური ინსტიტუტები შეეცადნენ $30 მილიარდის ახალი დეპოზიტების განთავსებით, თუმცა, უშედეგოდ.
1-ელ მაისს ცნობილი გახდა, რომ გაკოტრებული First Republic Bank JPMorgan Chase-მა შეიძინა.
